قصيده لسان بغداد لشاعر يوسف بن عبد الرزاق العتيبي

يوسف العصيمي العتيبي

لسان بغداد

يافـكـري المشـغـول للشـعـر ميـعـاد ..
خلّك معي ساعات والوقـت محـدود ..


انـا هينـا بيّـن علـى روس الأشهـاد ..
موجـود فالصـوره ولانيـب موجـود ..


تسـري بـي الافكـار واغيـب وانقـاد ..
ارحـل اعـن الواقـع ولا ودي اعــود ..


هينا كسبـت اعجـاب احِبّـه وحسـاد ..
وهناك لـي موطـن وتاريـخ وحـدود ..


مانيب ناسـي صبـح بغـداد الامجـاد ..
اللي حجب شمسه من الظلم بـارود ..


أربـع سنيـن وحــزن بـغـداد يــزداد ..
ساعاتـهـا ونّــات وايـامـهـا ســـود ..


وان كـان فالتاريـخ صــوره لبـغـداد ..
هـذي شوارعهـا عصابـات وجـنـود ..


فيها العبـاد اجسـاد واثيابهـا الحـاد ..
والمـوت بالمرصـاد والـرزق للـدود ..


فـي مشهـدٍ مـا يـوم ماهـوب ينـعـاد ..
ومأساتها في زود في زود فـي زود ..


الموت لو يرضي بشاعـات الأحقـاد ..
هو اهون اهـوالٍ تخلـي الولـد عـود ..


يـاخـادم البيتـيـن يـاذخــر الاسـيــاد ..
ياللـي برايـك صامـل الـراي معقـود ..


يالحـاكـم الـعـدل ويالـصـارم الـحـاد ..
يامزبن المضهـود يالشامـخ الطـود ..


لك سيـرة ٍامجـاد قديمـات واجـداد ..
يفـوح منهـا زاكـي المسـك والـعـود ..


ولك حكمةٍ تلجـم شياطيـن الاضـداد ..
ولـك هيبـةٍ يخضـع لهـا كـل نمـرود ..


واليا ادلهم الخطـب والعـزم باهبـاد ..
لـك وقفـةٍ يفـرح بــا كــل مضـهـود ..


تشفـي غليـل اكبـاد واتفـتـت اكـبـاد ..
ويحي بها الحق الذي كـان موجـود ..


ياسيـف الأمــه كــان للـحـق مـيـلاد ..
ان ماانولد من سيف ماهوب مولود ..


قـدّامــك المـنـظـر ثـلاثــي الابــعــاد ..
مكشـوف للعالـم ولاهـوب مجـحـود ..


عـلـى يــدك تـوحـيـد أمّـــة الـضــاد ..
وانـت اامـل لاقالـو الصبـر محـمـود ..


يـاقـادة الأمّــه نـبـي مـنـكـم انـجــاد ..
ضاعف علينـا وقتنـا اغـلال وقيـود ..


شعـبٍ يعيـش الغـبـن ويــذلّ ويـبـاد ..
قتـيـل ومـشــرد ولاجـــئ ومـفـقـود ..


تنخـاكـم آهــات الثكـالـى بالأصـفـاد ..
وطـريـق مـجـدٍ بالملـمّـات مـسـدود ..


تنخـاكـم الآمــال وامـجـاد الاجـــداد ..
اللـي لهـا معـكـم مواثـيـق وعـهـود ..

قصيده رائعه جدا لشاعر يوسف العتيبي
شكرا لك اخوي boy crazy

مشكوور ع مرورك العطر
تقبل تحـيــأتيboy crazy